- Pyth yw an Kowethas?
Kowethas an Yeth Kernewek yw alusenn a skoedh an yeth Kernewek dre gemmysk bras a dhyllansow, klasow ha hwarvosow, y'ga mysk an Bennseythun Gernewek, an brassa kuntelles blydhenyek a gernewegoryon.
- Istori
Kernow ha'y yeth re beu kelmys der istori oll, hag y hyllir gweles an yeth oll a-dro yn henwyn tyller ha henwyn teylu.
- Dyski Kernewek - Prag?
An yeth Kernewek re beu rann boesek agan gonisogeth der oesow hag yma hi oll a-dro hwath yn henwyn-tyller ha rannyeth. Henry Jenner, den a vri a'n dasvywnans, a leveris, "Prag y tegoedh dhe Gernowyon dyski Kernewek? ... Awos aga bos Kernowyon."
- Henwyn-tyller yn Kernewek
"Dre Dre, Pol ha Pen yth aswonnir Kernowyon" yw an lavar koth, mes a wodhesta an praga? Meur a henwyn personek a dheu dhiworth henwyn-tyller - mirewgh orth an wiasva ma dhe dhyski moy y'ga hever!
Hwarvosow poeslevys: Pennseythun Gernewek 2013
