|
Kowethas
an Yeth?
Pub mis, dyllo a wra an Kowethas
'An Gannas' hag ynni erthyglow, hwedhlow,
nowodhow, skrifow ha krowseryow. Dyllo yw
rann dhe-les an ober gwrys gans an Kowethas.
Y'n mysk an taklow gwrys ganso yw lyvrow,
dydhlyvrow, hwedhlow ha daffar dyski.
Lyvrow gans snodow ha plasennow arghansek
yw dyllys keffrys rag gweres dhe'n
studhoryon. An Kowethas
a wra kwethow-t, hanavow, arwoedhygyow
karr, pluvennow, kartennow, krysyow-t ha
taklow erell dhe wertha. Dres an vlydhen,
an Kowethas a
rester nebes dydhyow an taves, skoedhys yn
fenowgh gans ilow Kernewek ha donsya.
Chons da yw rag Kernewegoryon dhe gesvetya
yn hwarvos gans Kernewek kewsys yn unnik.
Rag lies esel, ughboynt an vlydhen yw
an Bennseythun Gernewek. Homm yw hwarvos
may ma Kernewgoryon a bub nivell ow
kodriga warbarth ha kewsel an yeth.
Herwydh usadow, synsys Paskweyth yw.
Yn-mysk an hwarvos erell yma kerdhow
kevarwoedhys, kuntellesow Yeth
an werin (chons rag
kesklappya yn Kernewek,
synsys yn diwotti yw herwydh usadow) ha Dydhyow
Lowender. An Kowethas
a re gwasonieth derivadow digost rag tus
a'ga honan ha kowethasow erell. Y hyllir
kavoes derivadow war studhow a istori,
studhyansow, teyluyow henwyn-tylleryow,
henwel fleghes, stretow, chiow, skathow
hag erell yn Kernewek.
An Kowethas a
re gweres dhe'n klasow Kernewek a-hys
Kernow ha pella. An Kowethas
a with kevrennow gans meur a gowethasow
gonisogethek yn Kernow ha pella, hag y'ga
mysk kowethasow adhyskans y'n powyow
Keltek erell. An Kowethas yw
kowethas bodhek ha'y arghans yw sevys dre
nebes grontow, eseledh, gwerthow ha rohow.
Y
hyllir redya korf lagha Kowethas an Yeth
omma.
Soedhogyon Kowethas an Yeth 2007 yw par
dell syw:
An Kowethas yw alusen
govskrifys niver 1065527 |
