Language History

this is a test post

this is a test post

this is a test post

this is a test post

this is a test post

this is a test post

this is a test post

Wella Rowe

Wella Rowe a veu genys yn Eglosveryan y’n vlydhen 1660. Tiek o ev yn Eglossankres. Kernewek diwedhes o y gynsa yeth, ha Sowsnek an nessa. Kernewegores o y wreg, Florence hy hanow, ynwedh, mes ny wrussens i klappya Kernewek gans aga fleghes awos ragvreus erbynn an yeth gans lies den. Ni a aswonn Wella Rowe awos ev dhe dreylya tekstow a-dhiworth an Bibel; Genesis chaptra 3, 1-24, Matthew chaptra 2, 1-20 ha Matthew chaptra 4. Ev a skrifas gerva ynwedh mes soweth an mammskrif a neb 350 folenn a veu kellys y’n nownsegves kansblydhen.

Wella Rowe

William Pryce a veu genys yn Rysrudh a-dro dhe 1735, mes ny wodhon p’eur poran, mab unnik a Samuel, leuvvedhek, ha Catherine. Y vamm o nith William Borlase. Omdhivesys veu William pan o ev hwath yowynk hag ev o megys gans y gerens Philip Webber, laghyas.

William a dheuth ha bos leuvvedhyk, owth oberi yn Rysrudh. Yn kettermyn, ev a brenas kevrennow yn balyow leel, hag a dhyghtyas nebes hwelyow byghan. Ev a veu kennerthys gans Borlase dhe guntell y notennow a-dro dhe valweyth yn lyver. Pryce a wrug devnydh a dhornskrifow a-dro dhe’n istori a valweyth yn Kernow, y notennow y honan ha kedhlow a-dhiworth tus erell, hag y Mineralogia Cornubiensis a veu dyllys yn 1778.

Yn 1783, William a veu etholys Koweth a’n Kowethas a Henstudhyoryon. Yn y Archaeologia Cornu-Britannica, dyllys yn 1790, ev a guntellas skrifow Tonkin, Hals hag erell, hag a geworras gansa kedhlow kevys ganso dre gewsel orth tus goth a leveris i dhe wodhvos kewsel an yeth. Kynth o ev kuhudhys a lyennladrans, ev a omhenwis Pennskrifer anodho hag a gampoelas y fentynyow yn raglavar an lyver.

Pryce a verwis mis-Kevardhu 1790 hag a veu ynkleudhys yn Rysrudh.

Diyfyk

Erbynn an nownsegves kansvledhen y hwrussa merwel Kernewek avel yeth kewsys a’n dus. Byttegyns yma kovadhow a dhiskwedh bos an yeth kowsys gans pyskadoryon dhyworth Lulynn, kyns oll pan esens i y'n mor. Y’n keth termyn gonisogeth geltek re dheuth ha bos a vern arta, ha Kernewek a dennas tamm attendyans akademek.

Henry Jenner

An Kernow ma a veu genys dhe Sen Colomm Veur dhe’n 8ves a vis-Est, 1848. Y das o Henry Lascelles Jenner, pronter y’n bluw. Yn 1852 an teylu eth dhe driga yn Kent, ha Jenner eth dhe Skol Sen Maria yn Harlow, Essex. Omma, ev a dhiskudhas temmigow a Gernewek skrifys.

Jenner a dhehwelis dhe Gernow yn dy’goel yn 1867, hag a studhyas geryow y’n men kov Dolli Penntreth. Yn 1869 ev a dhallathas studhya skrifow Kernewek dhe’n Gwithti Predennek yn Loundres, hag unn vlydhen a-wosa ev a veu ordenys darbarer y’n asrann vammskrifow.

Yn 1871, Jenner a omjunyas y’n Kowethas Yethoniethel hag a redyas y gynsa paper a-dro dhe’n yeth Kernewek dhe’n 21a a vis-Meurth, 1873. Ev a wodrigas yn Kernow yn fenowgh, hag a veu demmedhys gans Kernewes, Kitty Lee Rawlings, yn 1877. Y’n keth vlydhen ma, ev a dhiskudhas an Darn Chartour, linennow a-dhiworth gwari a veu skrifys war geyn chartour koth.

An Orsedh

Hengov an Orsedh, po an kuntelles a verdh, a veu dasvywys dhe Voscawen-Un, pan veu urdhys gans an Arghdrewydh a Gembra kynsa Bardh Meur a Gernow, Henry Jenner ha dewdhek bardh arall. 

Robert Morton Nance

Robert Morton Nance a dhellos y ‘Cornish for All’ – versyon a’n yeth selys war dekstow a’n osow kres ha henwys ‘Kernewek Unys’, hag ena yn 1938
y ‘Gerlyver Kernewek-Sowsnek’.

Displegyans arnowydh

Dres an 1980ow ha 1990ow yth omdhiskwedhas nebes furvow dihaval a’n yeth: (Richard Gendall – Kernûak Nowedga; Ken George – Kernewek Kemmyn; Nicholas Williams – Kernowek Unys Amendys).

Aswonnvos

Drefen bos Kernewek aswonys avel yeth vyhan gans an Unyans Europek, arhasans a dheuth ha bos kavadow dhe skoodhya lytherennans savonek rag an yeth.

Aswonnvos

An FSS a veu unverhes mis Me 2008 rag devnydh yn skolyow ha bewnans poblek.

this is a test post