Panel Avisya an Taves Kernewek
Selys veu hemma a-vel bagas gweythya gans an Kessedhek Hwithra Omglywans-Da hag ena daswrys a-vel Panel Avisya Portfolio ragov may hylliv ughweles kollenwelans an strateji rag an Taves Kernewek yn Kerrier. Ober an panel erbynn an prys ma a vydh avisys yn derivas dhe地 kabynet 15ves a vis Du, ytho omma ny wrav vy kewsel yn town marnas dre leverel awos bos konnygyon yn-mes gorrys war an panel, possybyl yw kavoes unnverheans war unn form a dreylyans Kernewek rag an brassa rann a arwoedhyow stret, neb a vydh po nowydhys po drehevys rag an kynsa prys. Mars eus moy es unn form, res vydh dhe gonsel an dre po an blyw ervira yntredha. Godhvos gras a wren dhe ober an panel ha hebdha ny via an treylyansow ma ha heb kost keworrys dhe地 konsel keffrys. An gonnygyon yn-mes re ros oll aga thermyn heb charj ha res yw dhymm godhvos gras dhedha rag pub ober gwrys gansa bys y地 prys ma. An re ma yw: Bardh Meur Kernow Rod Lyon; kaderyer Cossell an Taves Bernard Deacon; Kaderyer Agan Tavas Craig Weatherhill; ha Pol Hodge dhiworth Kesva an Taves. Yma yntredha meur a wodhvos a henwyn tylleryow ha formow hengovek an taves, hag adhyskadow fest re bia hag I owth oberi warbarth may hallo bos profys dhyn treylyansow skwir. Keffrys ha treylyansow henwyn stret, provya re wrussens treylyansow a bub gonis agan konsel, mar mynn tus aga usya, ha lowen vydh an panel gul oberennow treylya byghan rag rannow erell an konsel rag projektow arbennik pan vo edhomm.
Kowethyans an Taves Kernewek
Hemm yw an Bagas Lywya treus-Kernow ha dhodho an galloes delivra Strateji an Taves Kernewek neb a veu desinys wosa keskows gans an ranndiryow. Govenek a暖an beus a ｣600,000 dres teyr blydhen dhiworth an Governans hag Amkan Onan. Rann an mona ma a vydh usys may hyllyn arveth Soedhek an Taves Kernewek gans skoedhyans an soedhva, ha地 mona gesys a wra provia arghans rag towlennow delivra an strateji. Konsel Kernow a vydh perghenn an bojet ha地 arvethor, ha ny vydh kost dhe eseli erell an kowethyans neb a wra ughweles an bojet ha delivri. Y fydh kannas dhe bub konsel ranndirek, ha henwys ov gans an lywydh a-vel kannas Kerrier. Formow refrons servadow re beu desinys ha dell vo govenek dhyn, oberysi a vydh arvethys y地 misyow ow tos. My re wovynnas orth pub synsyer portfolio dhe hwithra may fia kostow pella ragdha awos kollenwelans an Strateji.
|
